ЛӦСЬӦДІМ «ДОБРОХИМ» ДА ОДВФ ЯЧЕЙКАЯС

Висерын (Кулӧмдін уездын) вӧлі чукӧртчылӧм коммунист да комсомол ячейкаяслӧн да учрежденньӧясын уджалысьяслӧн.

Велӧдысь Казаков ёрт вӧчис доклад «Доброхим» да ОДВФ йылысь. Собранньӧ шуис организуйтны «Доброхим» да ОДВФ ячейкаяс. Сэні жӧ гижсисны бура унаӧн.

Сэсся висьталӧм вӧлі гырысьясӧс велӧдӧм йылысь. Шуисны: колӧ пӧ велӧдчыны быдӧнлы. Бать-мам кӧ оз кутны лэдзны велӧдчыны челядьясӧс, колӧ тшӧктыны Исполком пыр.

Л. Й. Дедов.