ПОШТА КУД

Делегатка А. Морозовалы. Визин. Гижӧдъясыд эськӧ дзик комиӧн артмӧны, да содержанньӧ боксяньыс эз туйны газетӧ. Гиж водзӧ асланыд сиктын олӧм йылысь, нывбаба костын уджалӧм йылысь, делегаткаяс собранньӧяс вылад мый сёрнитлывланныд, сідз водзӧ.

Важкуа. Карповлы. «МОПР пыдди поплы» гижӧдыд оз мун. Дерт эськӧ, поплы пыдди кӧ йӧзыд МОПР-лы отсалісны, бурджык вӧлі да — ёна на чорыда ӧткымын пемыд йӧзыд поп ылӧг улас шедӧмаӧсь. Висьтавлӧй ёнджыка сиктса йӧзыдлы МОПР йылысь, сэки найӧ отсаласны. Ачыд жӧ гижан: унаӧн пӧ отсалісны и МОПР-лы, сӧмын пӧ ӧткымын эз сетны нинӧм.

Иван Кирӧлы. Немдін. «Важ да ӧнія велӧдчӧм» статьяыд оз мун. Гиж сиктса олӧм йывсьыд да удж нуӧдӧм йылысь.

Биа кӧртлы. Няшабӧж. Школа уджалӧм йывсьыд дзик нинӧм абу гижӧмыд да, мый нӧ лэдзам газетас. Тэнсьыд ӧткымын статьяяс печатайтлім. Гиж водзӧ.

Селькорлы. Вомынбӧж. «Мӧвпалӧны» гижӧдыд оз мун. Шуӧмыд этша на, мед вӧчасны шуӧм сертиыс. Кор вӧчасны — гиж, сэки лэдзам.

Бичующему. Чӧддін. Чӧддінса олӧм йылысь оз мун газетын. Нинӧм коланыс, нинӧм тӧдчаныс олӧмас ни уджас абу. Кыті колӧ вӧлі, гижим ОКК-ӧ.

Комсомолечьяслы. Кебра. Кебра вӧлӧсьт йывсьыд оз мун газетын. Нинӧм абу коланторйыс (ценного) тіян статьяын.

Помӧсдін. Епӧлы. «Лыддьысян керка» гижӧдад нинӧм выльторсӧ, колансӧ он гиж.

Дедовлы. Сюзяыб. Кооператив йывсьыд тэ куим кымын гижӧд ыстӧмыд. Кодӧс гижӧмыд вӧлі кооперативса уполномоченнӧй собранньӧ кежлӧ, сёрмис.

Н. С.-лы. Сыктывдінкар. Кунибса комсомол ячейка йывсьыд оз мун. Нинӧм коланторсӧ абу гижӧмыд.

Бокӧвӧйлы. Чуклӧм. Февраль медводдза лунъясас ыстӧм гижӧдыд газетын оз мун — гижӧмыд унатор йылысь эськӧ да, нинӧм коланторйыс сэтысь эз сюр.

Слудаса Степӧлы (Перымӧ). «Коми нывбабаяслы» гижӧдыд оз мун газетӧ: унаысь нин «чуркаяс» йывсьыд гижлім. Мукӧд гижӧдъястӧ иналам.