НО И ОЛӦМ

(Койгортын, Сыктыв уездын)

Газетысь лыддян да, уна паськыд Коми му пельӧсысь тӧдмалан олӧм. Быдлаын йӧз кыссьӧны югыдлань. Сӧмын койгортса йӧз век на зэв чӧскыда узьӧны. Асьныс ещӧ шусьӧны районнӧй йӧзӧн... Медбур, медгажа олӧм налӧн праздникъяс дырйи, кор найӧ юӧны самӧкур, ветлӧдлӧны кузь пуртъясӧн да кӧрт бедьясӧн. Рытъясын том нывъясӧс ёна зэв топӧдӧны, нӧйтӧны плетьясӧн, тасмаясӧн. Нывъяслы олӧм зэв омӧль, оз позь петны ывлаӧ рытын, полӧны нӧйтӧмысь. Койгортас ӧд эм жӧ эськӧ ячейка РЛКСМ (3 шлен да 17 кандидат), да мыйлакӧ оз уджсӧ бура нуӧдны, оз вермыны лӧсьӧдны том войтырлысь олӧмсӧ. Койгортса комсомолыд удж нуӧдӧм пыдди асьныс портитӧны олӧмсӧ, юӧны, шатласьӧны ывлаын да войпукъясын, нӧйтӧны нывъясӧс.

Ӧні Койгортас велӧдӧны допризывникъясӧс, найӧ кӧсйӧны уджавны йӧзӧс югдӧдан дор, сувтӧдалӧны спектакъяс, а койгортса комсомол торйӧдчӧ допризывникъяс дінсьыс, весиг оз отсавны налы.

Мед жӧ тайӧ гижӧд бӧрас комсомоллы ёнмӧдны уджсӧ! Колӧ пальӧдчыны узьӧмсьыд, оз ков тшапитчыны комсомолечьяслы мукӧд том войтыр водзас, оз ков ныртӧ лэптӧмӧн да кӧрт бедьяснад ветлӧдлыны, а бурджыка нуӧдны колӧ уджтӧ.

Привда Васька.