ПРОНЬДОР ВӦЛӦСЬТЫН

(Емдін уездын)

Нянь артмис омӧля. Унджык йӧзыс вӧр лэдзӧны. Найӧ кыдз вермӧны мырсьӧны, медым вермасны бурджыка овмӧс лӧсьӧдны. Кӧдзӧны турун и анькытш.

Лавка ӧнӧдз уджаліс бура. Ӧні тай чотыштӧ, эзджык ло звер куясыд да.

Сельскокӧзяйственнӧй тов-во 2, коймӧдыс самӧй чужны на кӧсйӧ. 1923−24 воын вӧлі случнӧй пункт. Эм бур вымскӧй ӧш. Корӧма машинаяс и кӧйдысъяс.

Кредитнӧй тов-воын 90 шлен. Думайтӧны восьтыны вый вӧчан завод.

Эм 4 школа. Вит велӧдысь. Велӧдӧм мунӧ бура, сӧмын этша нигаяс да мукӧд велӧдчан кӧлуй. Велӧдчытӧм челядь уна на эмӧсь.

Лыддьысян керка куим. Ӧтикӧс видзӧ государство, мӧдӧс кутӧ Ипатьдорса ЕПО, коймӧд — Слудаын кутӧны ас сьӧм вылӧ коммунистъяс комсомолечьяскӧд. Сэн эмӧсь кружокъяс: «Сельскокӧзяйственнӧй», «Безбожник» да политическӧй. Удж нуӧны бура. Овлывлӧны спектакъяс. Сӧмын пьесаясыс абу да, шоча овлывлӧны.

Эм пельшӧр да бабка. Лекарство этша.

Самӧкур пуӧны этша, зэв нин сюсь милиционерыс, быдӧнӧс и кутас. Сідз и колӧ!

Воӧны газетъяс: «Югыд туй», «Крестьянскӧй», «Кооперативнӧй делӧ», «Беднота», «Известия», «Правда» да «Безбожник».