МЫЙ АДДЗЫЛІСНЫ СССР-ысь

ЛОНДОН. Пёрселл (Англияса профсоюзсянь воліс СССР-ӧ депутатӧн) Манчестер карын собранньӧ вылын висьталіс Сӧвет государствоын олӧм йылысь, шуис: СССР-ын абу важ моз овмӧс жуглӧмъяс (погромъяс), абу рабочӧйясӧс лыйлӧмъяс, кыдзи важӧн вӧвлі Лена дорын (Сибырын) да мукӧдлаын, оз виавны армянаясӧс (асыв-лунвылын олысьяс). Капиталистъяс, ростовщикъяс, йӧз вылын олысьяс, нартитысьяс бырӧмаӧсь. Петропавловскӧй крепӧсьтын (государственнӧй тюрма вӧвлі Питерын) пукалысьяс ӧні абуӧсь. Абу некутшӧм войска, коді эськӧ вермис грӧзитны олӧм торкны мукӧд государстволысь. Став важ ужассӧ бырӧдіс Сӧветса Республика Россияын. Мед эськӧ миян судзсяс вынным лӧсьӧдны сідзи жӧ!