ЛОЗУНГЪЯС МАРТ 8-ӧд ЛУН КЕЖЛӦ

Уджалысь нывбабаяс, топыда ӧтувтчӧй Коммунист партия бердӧ!

Крестьянкаяс — том нывъяс! Пырӧй комсомолӧ, сэні тіянӧс велӧдасны овны-уджавны Ленин ёрт тшӧктӧм серти.

Коми аньяс-крестьянкаяс! Ӧтувтчӧй, чукӧртчӧй — собранньӧяс вылын велӧдчӧй ӧтчукӧрын Ленин индалӧм кузя овны!

Бӧрйӧм нывбабаяс (делегаткаяс), кывзӧй Ленинлысь велӧдӧмсӧ — велӧдчӧй ставныд грамотаӧ, босьтчӧй тшӧтш общество уджӧ.

Уджалысь нывбабаяс, тіянтӧг бур выль ӧтувъя олӧм оз артмы, отсалӧй Коммунист партиялы выль олӧмсӧ лӧсьӧдны.

Уджалысь нывбабаяс, март 8-ӧд лунӧ энӧ вунӧдӧй казьтыштны буржуазияса тюрмаясын пукалысь революционеръясӧс!

Коми аньяс! Мувыв нывбаба праздникӧ — март 8-ӧд лунӧ — шуамӧй буржуйяслы, гӧль йӧз вылын нартитчысьяслы: «Тырмас вир юны гӧль йӧзлысь»!

Ёрам гӧль йӧзлысь — рабочӧйыслысь да крестьяналысь — вир юысьясӧс — помещикъясӧс, капиталистъясӧс.

Чӧлӧм ыстам му пасьта — асыввыв, рытыввылын, лунвылын и Америкаын уджалысь нывбабалы, крестьянкалы.

Бӧрйӧм нывбабаяс (делегаткаяс), нуӧдӧй чорыда водзӧ Ленинлысь удж, чуксалӧй, нуӧдӧй ас бӧрсяньыд мукӧд нывбабаӧс.

Март 8-ӧд лунӧ восьталӧй челядь яслияс, керкаяс Ленин шуӧм серти! Сійӧ лоӧ медбур казьтылӧм.

Коми аньяс! Пырӧй кооперативӧ шленӧ, ёнмӧдалӧй, паськӧдалӧй сійӧс!

Коми ань, велӧдчы ачыд, велӧд челядьястӧ Ленин тшӧктӧм-индалӧм серти овны!

Уджалысь коми аньяс! Энӧ некор вунӧдӧй: омӧль олӧмысь мездысьӧмныд тіян ас саяныд!