ТАДЗИ АБУ БУР

Межадор вӧлӧсьтувса (Сыктыв уездын) крестьяна быд во тойтӧны — видз-му юкӧны ас костаныс. Ӧткодялӧны крестьянаӧс видз-муӧн морт лыд серти. Ӧти ногӧн кӧ, дерт, зэв бур удж тайӧ, сӧмын вывті зілигас налӧн бурсьыс артмывлӧ и дур. Вывті посниӧдз видз-муяс юклісны-торйӧдлісны. Горшасьӧны бурджык видз-му вылад. Уна му вылӧ крестьянинлӧн бур пӧраыс прӧста ветлӧмас кольӧ. Муыс сӧмын пиня (агас) пасьта, вӧв бергӧдчыны оз тӧр му вывтіыс. Видзьяс сэтшӧмӧсь жӧ. Мича страдна луныс ӧтарӧ-мӧдарӧ шывкъялігас колльысьлӧ. Аслыныс эськӧ зэв жӧ тадзи уджалӧмыс оз кажитчы да, асьныс пыр ӧтарӧ воысь воӧ торйӧдлӧны.

Кыдзкӧ эськӧ, Межадорса крестьяна, мӧд ногджык колӧ юклыны да, мед оз вывті шырсьы-юксьы видз-муыд, аслыныд ӧд тадзтӧ сьӧкыд уджавныд.

Крестьянка.