КУЛАКЪЯС ПАДМӦДІСНЫ

ВЕКШОР сиктын (Читаёв вӧлӧсьтын, Сыктыв уездын) крестьянаяс ӧти собранньӧ вылын шуисны мӧда-мӧдлы отсасян комитетӧ, сійӧс ёнмӧдӧм кузя, чукӧртны вит пунт няньӧн быд десятина му-видзысь. Чукӧртлісны нин вит пуд сю сы вылӧ. Векшорса кулакъяс — Федюнёв да Туголуков пиян — кутісны падмӧдны тайӧ уджысь крестьянаӧс, шуалӧны: нинӧм пӧ мӧда-мӧдлы отсасян комитетсьыс, весьшӧрӧ пӧ сэтчӧ няньяс шыблалӧмыс. Крестьянаыд кывзісны кулакъясыдлысь да чукӧртӧм няньсӧ бӧр аслыныс босьталісны.

Со кыдзи кулакъяс ылӧдісны крестьянаӧс! Ноко, Векшорса крестьяна, энӧ кывзӧй кулакъяслысь, мӧвпыштӧй асьныд бурджыка: колантор абу мӧда-мӧдлы отсасян комитетыд?

Читаёвса крестьянин.