КОЛӦ ВЕСАВНЫ

Паль вӧлӧсьтын, Иван сиктын (Емдін уездын) олӧ-вылӧ ӧти крестьянин — Попов Иван Семёнович. Сійӧ эз мынтывлы налог 1922−23−24 воясын, дай водзӧ оз кӧсйы мынтыны. Исполкомса уджалысьяс полӧны весиг сы ордӧ муннысӧ: йӧй улӧ пӧ лэччас да усьласьӧ черӧн. Ачыс пӧ шуӧ: «Ме сӧветӧ ог ветлы, мед и ме ордӧ оз локны».

Налог мынтытӧмсьыс сетлісны судӧ, да ӧнӧдз на нинӧм эз вӧчны.

Попов оз налог мынтӧмысь сӧмын пышъяв. Ӧні чукӧртлісны учёт вылӧ вӧвъясӧс. Попов ассьыс вӧвсӧ эз и вайлы учёт вылӧ.

Колӧ татшӧм йӧзсӧ зурӧдны сӧвет ногӧнджык овны. Бурӧн кӧ оз вӧчны — мырдӧн колӧ тшӧктыны. Вӧлӧсьтувса сӧвет удж нуӧдысьяслы оз ков татшӧм «йӧйястӧ» вельмӧдны, сэки регыдджык прӧсужмасны найӧ.

Ветлысь-мунысь.