СУД ЛАПИЦКӦЙӦС ТОПӦДЫСЬЯС ВЫЛЫН

МИНСК. 18-ӧд лунӧ рытъя пукалӧмын газетӧ гижысьӧс Лапицкӧйӧс топӧдӧмысь суд вылын мыжалысь (обвинитель) — Белоруссияса Коммунист партия Центральнӧй комитетысь представительыс — шуис: «Мыжмӧмъяс велӧдӧм пыдди крестьянаяслы сетавлӧмаӧсь сӧмын пиняныс да нӧйтлӧмаӧсь. Белоруссияса Компартия оз лэдз увтыртны некодлы сӧветса уджӧ босьтчысь крестьянаясӧс». ЦК РКП-ысь представительыс Рафаил ёрт шуис: «Лапицкӧйӧс топӧдӧм кузя делӧыд ещӧ на миянлы петкӧдліс: газетӧ гижысьяс — партия дай сӧвет власьт дор сулалысь йӧз, ёна честнӧй йӧз сиктъясын. Судлӧн приговорыс петкӧдлас — Сӧвет власьт ёна чорыда мыждӧ крестьянаясӧс топӧдӧмысь, грабитӧмысь, эксплуатируйтӧмысь».

Февраль 19-ӧд лунӧ суд вылын заводитісны висьтавны мыжмӧмъясӧс дорйысьяс. Найӧ шуӧны: мыжмӧм йӧз пӧ мыжсӧ вӧчисны Сӧвет власьтлысь сиктъясын уджсямсӧ тӧдтӧмла.

Дорйысьяс корӧны судлысь небыдджык приговор.