ПОШТА КУД

Кырнышлы. Кӧрткерӧс. «Пыр на абу шыблалӧма» гижӧдыд оз мун газетын. Мӧдӧдім ОКК-ӧ.

Веньӧ Ваньӧлы. Керчомъя. Коми шрифт йывсьыд газетын дискуссия дугӧдӧма нин. Сы вӧсна тэнад статьяыд оз мун.

Рӧман пилы. Абъячой. «Кулӧм йӧзӧс самӧкурӧн юкталӧны» статьяыд оз мун. Нинӧм абу статьяад коланторйыс. Ичмоньыд, тыдалӧ, йӧйӧн чайтӧма милиционертӧ, сідзи ылӧдны кӧсйӧма. Дерт, этша нин сідзитӧ ылӧдан! Попъясыдлы кӧ ӧд сетан самӧкуртӧ, дерт, найӧ бӧр оз мыччыны. Сійӧс быдӧн тӧдӧны. Комиӧн гижан бура. Гиж мукӧдтор йылысь.

Шогсьысьлы. Абъячой. Матыссаджык школаад челядьтӧ босьтӧм йылысь оз мун. Позьӧ сійӧс асланыд лӧсьӧдны газетын пасйытӧг.

Ш.-лы. Абъячой. Госторг лавкатӧ петкӧдны заводитлӧм йывсьыд газетын оз мун. Дерт, судыд гусясьысьтӧ юрӧдыс оз малышт.

Ичик ёртлы. Койгорт. «Рӧштво Койгортын» гижӧдыд оз мун, ёна нин сёрмис.

Войвывса пилы (Сыну севера). Палаззя. Ыстав, ёрт, став сьыланъястӧ миянлы, либӧ коми литература лӧсьӧданінӧ. Коді шогмас — лэдзам газетын, коді оз — сетны кутам коми литература лӧсьӧданінӧ. Сэтчӧ чукӧртӧны йӧзпытшса став сьыланкывъяссӧ. Ӧнія ыстӧм сьыланкывтӧ сетім коми литература лӧсьӧданінӧ жӧ.

Жужлы. Сыктывдінкарса Совпартшкола. Ыстӧм гижӧдъяссьыд унджыксӧ лэдзим газетӧ, мукӧдыс сэсся газетын оз мунны, оз шогмыны.