КОЛӦ СЕТНЫ

Ужгаса (Сыктыв уездса) крестьяна унджыкыс таво лэдзӧны кер Северолеслы. Эмӧсь уджалысьяс и Кажым заводын. Кутан сёрнитны крестьянакӧд, да шуасьӧны: тӧвбыд пӧ уджалім, да налог мынтыны ог вермӧй, сьӧмным абу. Северолес ни, Кажым завод ни эз на ньӧти сьӧмсӧ сетлыны уджалӧмысь. Ми пӧ эськӧ рад мынтам налогсӧ срок кежлӧ, да уджалӧмысь вештысьтӧгыд кытысь сьӧмыс.

Северолес дай Кажым заводын удж нуӧдысьяс, мыйла онӧ сетыштӧй кӧть неуна сьӧмсӧ крестьяналы уджӧдӧмсьыныд, мед эськӧ найӧ вермисны налогсӧ мынтыны? Колӧ сетны.

Сёрни кылысь.