КООПЕРАТИВ УДЖАЛӦ БУРА.

ЙӦЗӦС ЮГДӦДАН УДЖ НУӦДӦ

Сюзяыбын (Кулӧмдін уездын) эм кооператив. Сійӧ нёль сиктса йӧзлӧн. Нёльнан сиктас 126 керка.

Декабр 1-ӧд лунӧдз сэні вӧлі 83 шлен. Кооператив ёнмӧдан тӧлысьӧ пырисны ещӧ 14 морт. Ӧні став шленыс 97 морт. На пиысь 6 нывбаба. Ӧні став гӧль крестьянаыс пырӧмаӧсь шленӧн Епоӧ. Паевӧйсӧ став шленыс нин мынтіс. Сэсся ӧні Епо чукӧртіс йӧзлысь важ уджйӧзъяс 2991 шайт. Кооператив вылӧ йӧзыс видзӧдӧны бура. Тӧвар эм быдсямаыс.

Епо ёна отсалӧ йӧзӧс югдӧдан уджлы. Сідз, кооператив ёнмӧдан тӧлысьӧ лӧсьӧдісны кооперативнӧй кружок. Кружокӧ гижсисны 16 морт. Тайӧ кружокыс школаын велӧдысь Рочев ёрт отсалӧмӧн восьтіс лыддьысян керка. Епо сетіс лыддьысян керкаӧ ӧти пуд карасин. Сэсся сэтчӧ жӧ судзӧдӧ журналъяс: «Безбожник», «Крестьянский журнал», «Красная Деревня». Корис крестьянаяслы сеталӧм вылӧ книгаяс му-видз уджалӧм йылысь.

Дедов.