ЧЕЛЯДЬ ВЕЛӦДЧӦНЫ ӦТУВЪЯ УДЖ НУӦДӦМӦ

Позтыын (Кулӧмдін уездын) школаын удж сувтӧдӧма бура. Велӧдчысьясыс сэні велӧдчӧны ӧтувъя удж нуӧдӧмӧ. Школаас эм велӧдчысьяслӧн кооператив. Кооперативыс уджалӧ, кыдзи уджалӧны и мукӧд кооперативъяс: эм аслас правленньӧ, лӧсьӧдӧмаӧсь членскӧй взносъяс, босьтасян книжкаяс. Кооперативас ньӧбалӧмаӧсь челядьлы велӧдчыны колан кӧлуй дай вузавлӧны сійӧс куш велӧдчысьяслы. Школаас эм переплетайтчан мастерскӧй. Сэні велӧдчысьяс переплетиталӧны тетрадьяс да вузавлӧны асланыс кооператив пыр. Лӧсьӧдӧмаӧсь музей, чукӧртӧмаӧсь сэтчӧ бура унатор нин. Сэсся эм кер бердын уджалысьяслӧн союз (союз лесорубов). Сійӧ союзас велӧдчысьяс уджсӧ нуӧдӧны, кыдзи и верстьӧ йӧзлӧн союзыс, сӧмын быттьӧ керсӧ лэдзны оз ветлывлыны-а. Школаын велӧдчысьяс асьныс лэдзӧны стенӧ ӧшӧдан газет, кӧсйӧны вежласьны сійӧн мукӧд школаяскӧд.

Жуж.