ПАДМӦДӦНЫ УНА КӦДЗАӦН МУ-ВИДЗ УДЖАЛӦМЫСЬ

Зӧвсьӧртын (Емдін уездын) эм сельскокӧзяйственнӧй тӧварищество. Сэтчӧ шленъясӧ пырӧмаӧсь гӧля олысь крестьянаяс дай озыръяс тшӧтш. Гӧль крестьянаясыс зільӧны кутчысьны выль ногӧн му-видз уджалӧмӧн. Кӧсйылісны тӧвариществоса став шленъясыс выль пӧв юкны му-видзьяс да вежны куим кӧдзаӧн му-видз уджалӧм уна кӧдзаӧн вӧдитӧмӧ. Сӧмын озырджыка олысь шленъяс падмӧдісны юксьӧмсьыс, эз артмӧдчыны. Сы вӧсна колины бара шленъяс уна пельын да посни муторъясӧн. Гӧля олысь тӧвариществоса шленъяс кык во нин кӧдзлісны анькытш. Бара жӧ озырджык крестьяна найӧс вӧлі падмӧдӧны, сералӧны: ставсӧ пӧ нуасны да гусявласны, нинӧм пӧ оз артмы. Сӧмын налысь серамсӧ пыдди эз пуктыны да эз дугдыны анькытш кӧдзӧмысь.

Г. Панов.