КЫВЗӦЙ, НЫВБАБАЯС!

МӦСКУА. Ставмувывса нывбабаяслӧн ӧтувтчан лун кузя (март 8-ӧд лунӧ) Видз-му йылысь удж нуӧдан Народнӧй Комиссариат (Наркомзем) быдлаӧ ысталіс водзвыв со кутшӧм гижӧдъяс-тшӧктӧмъяс: зільны крестьянкаясӧс сӧвет удж дорӧ матыстны; восьтавны гырысьджык совхозъясын челядьлы яслияс да ворсанінъяс, сэтчӧясӧ бара жӧ кыскыны уджавнысӧ крестьянкаясӧс. Быд ногӧн отсавны водзмӧстчысь ӧтка крестьянкаяслы, тшӧтш гӧрдармееч гӧтыръяслы да дӧваяслы ӧчередьтӧг судзӧдны видз-му уджалан машинаяс, бур рӧда скӧтӧс, нуӧдны видз-му лӧсьӧдан удж (землеустройство), отсавны висигъясӧн — аслыныс и скӧтыслы. Сетны яслияс справитны (ремонт) да сэтчӧ пес вылӧ донтӧг (бесплатно) вӧр. Видз-му дор уджалысь учрежденньӧяслы колӧ бура видзӧдны, медым гозъя кост торйӧдчигӧн либӧ сідзи юксигӧн кольӧ вӧлі крестьянкалы видз-му пайыс. Зільны торйӧн уджалысь крестьянкаясӧс ӧтувтны кӧзяйствояс нуӧдны. Сибӧдны водзмӧстчысь нывбабаясӧс сельскокӧзяйственнӧй курсъяс вылӧ да агрономъяс ячейкаясӧ, паськыдджыка восьтавны крестьянкаяслы ӧдзӧсъяс Сельскокӧзяйственнӧй Сӧветъясын уджавны.