СЪЕЗД ВУРСЬЫСЬЯСЛӦН

Мӧскуаын февраль 16-ӧд лунӧ воссис Ставсоюзса съезд вурсьысьяслӧн (швейников). Чолӧмбыттьӧӧн ВЦСПС-сянь петаліс Томскӧй ёрт. Томскӧй ёрт аслас кывйын шуис: миянлы пӧ колӧ донтӧммӧдны пабрик-заводъясӧн вӧчан кӧлуй. Сійӧс пӧ донтӧммӧдны позяс дай колӧ уджсӧ бурмӧдны-кыпӧдны. Сэсся Томскӧй ёрт висьталіс Амстердамса Интернационал Исполкомӧн ӧнія шуӧмъяс йылысь, шуис: ВЦСПС пӧ регыд заводитчас лӧсьӧдны, кутшӧм сямаджык колӧ лоны мӧда-мӧд вылӧ видзӧдӧм да волысьӧм (взаимоотношения) ВЦСПС-лӧн Амстердамса Интернационалкӧд. Сэсся съезд вылын СССР-лӧн мукӧд государствокӧд да ас пытшкас олӧм йылысь висьталіс Луначарскӧй ёрт. Профинтернсянь чолӧмбыттьӧ висьталіс бельгияса профсоюзысь шленыс.