ДЕЛЕГАТКАӦС СОБРАННЬӦ ВЫЛӦ ОЗ ЛЭДЗ

ПОЁЛЫН (Сыктыв уездын) учительнича (важ попаддя) Попова Александра Павловна оз лэдз ветлыны прислугасӧ Ульянова Марьяӧс делегатскӧй собранньӧяс вылӧ. Ульянова Марья миян делегатка — сылы волывлынысӧ собранньӧяс вылӧ зэв окота, сӧмын местасӧ воштӧм вӧсна лоӧ кывзыны учительничалысь да овны сійӧ велӧдӧм серти.

Делегаткаӧс собранньӧ вылӧ лэдзтӧмыс миянлы зэв оз кажитчы. Газет пыр тшӧктам Поповаӧс лэдзны Ульяноваӧс собранньӧяс вылӧ.

Делегатка Матрена Нечаева.