ПИОНЕР ЧУКӦР ПОЗТЫЫН

Позтыын пионер чукӧрын 33 морт. Чукӧрсӧ юкӧма куим звеноӧ. Звено нимъясыс — «Роза», «Спартак» да «Кыа». Пионеръяслӧн эм асланыс штаб. Сэтчӧ быд рыт чукӧртчывлӧны сёрнитны да велӧдчыны. Лӧсьӧдӧны штабас музей, кӧсйӧны чукӧртны сэтчӧ асьнысӧн вӧчалӧм кӧлуйяс. Судзӧдӧны журналъяс: «Юные строители», «Мурзилка», «Пионер», газет «Югыд туй». Сьӧмсӧ та вылӧ судзӧдісны подписнӧй листӧн. Сэсся пионеръяс асьныс лэдзӧны стенӧ ӧшӧдан газет «Югыдлань». Став пионерыс пырӧмаӧсь МОПР-ӧ. Ветлывлӧны ӧтвылысь вежалунъясӧ отсасьны гӧль крестьянаяслы. Став уджыс бура мунӧ, сӧмын велӧдчыны пионеръяслы сьӧкыдджык, сюсь вежӧра индалысьыс абу да. Ӧні велӧдчан уджсӧ нуӧдлісны совпартшкольникъяс.

Шадрин Ф. В.