ДОМНА КАЛИКОВАӦС ОЗ КОВ ВУНӦДНЫ

ПОЗТЫЫН (Кулӧмдін уездын) во вит сайын кымын еджыдъясӧс вӧтлӧм бӧрти Потапова ёрт лӧсьӧдіс Домна Каликова нима клуб. Сійӧ клубыс сьӧм абутӧмла бӧр тупкыссьыліс. Ӧні Позтыын бара воссис йӧзӧс югдӧданін — лыддьысян керка. Сэні уджсӧ нуӧдӧны коммунист дай комсомол ячейкаяс. Сӧмын тай найӧ вунӧдӧмаӧсь мыйлакӧ Домна Каликова ёртӧс. Колӧ эськӧ лыддьысян керкасӧ шуны Домна Каликова нимӧн. Сэсся бурджыка быдӧнлы тӧдмавны уджалысь йӧз дор сулалысь да уджалысь йӧз вӧсна олӧмсӧ пуктысь Каликова ёрт олӧм йылысь.

Жуж.