ГАЗЕТӦ ГИЖЫСЬӦС ТОПӦДӦМЫСЬ СУД
Минск. Газетӧ гижысьӧс Лапицкӧйӧс топӧдысьяс вылын суд мунӧ на. Суд юасьӧ сельсӧветса секретарлысь Овсянниковлысь. Жирховка сиктын Овсянниковӧн отсалӧмӧн дзеблӧмаӧсь учётысь да абу гижлӧмаӧсь сельхозналог босьтан списокӧ 495 десятина му. Овсянников бӧрын вӧчсьӧ допрос Стрешинскӧй райисполкомын юралысь Домбровскӧй вылын. Домбровскӧй шуӧ: меным пӧ юӧртлісны. Лапицкӧй пӧ вӧлі дзугӧ да оз лэдз нуӧдны му-видз лӧсьӧдан удж (землеустройство). Домбровскӧй висьталӧм серти, Лапицкӧй пӧ быттьӧкӧ шуасьліс нелючки туйяс вӧчалӧм йылысь да нелючки сьӧмъяс юклӧмъяс йылысь. Сэсся Лапицкӧй висьтавлывлӧма йӧзлы сельхозналог йылысь: декрет серти пӧ некутшӧм мукӧд сикас налог крестьяналысь оз позь босьтны. «Мый нӧ Лапицкӧй висьтавлӧмъясас контрреволюционнӧйыс?» — юалӧ Домбровскӧйлысь суд вылын мыжалысьыс (обвинительыс). Домбровскӧй тайӧ юалӧм вылӧ веськыда нинӧм эз вермы висьтавны.
Сэсся допрос муніс милицияса начальник Лавецкӧй вылын. Сійӧ висьталӧ: кор пӧ Овсянниковӧн корӧм бӧрын милиционеръяс воисны Жирховкаӧ, Лапицкӧйӧс эз суны сэтысь. Домбровскӧй тшӧктіс вӧтӧдны Лапицкӧйӧс. Сэсся, Лавецкӧй висьталӧм серти, Домбровскӧй тшӧктылӧма став сходка вылӧ чукӧртчылӧм Жирховка сиктса йӧзӧс, кодъяс петитчӧмаӧсь да шулӧмаӧсь паныд Лапицкӧйӧс арестуйтӧм йылысь, арестуйтны да пуксьӧдны Стрешинскӧй арестнӧй керкаӧ. Домбровскӧй тшӧктӧм серти уна йӧзӧс сэки пуксьӧдлісны.
Февраль 14-ӧд лунын асъя суд пукалӧм вылын судлы висьталісны, Лапицкӧй пӧ коммунист 1919 восянь. Милиционер Савченко вылын допросын суд аддзис: Савченко вӧчлӧма дознанньӧ Жирховка крестьянаяс норасьӧм серти Овсянников вылын. Сійӧ норасьӧмсӧ гижлӧма Лапицкӧй. Овсянников ёна арестуйтавлӧма крестьянаясӧс, медым найӧ оз лысьтны шуасьны да норасьны сы вылӧ. Крестьянаяс Савченколы висьтавлӧмаӧсь — Овсянников пӧ вӧвлі войдӧр жандармын дай сійӧ пӧ ёна пыр гусясьӧ. Савченко крестьяналысь норасьӧм пыдди эз пукты дай ещӧ шуис кыскыны судӧ Лапицкӧйӧс быттьӧ весьшӧрӧ Овсянников вылӧ норасьӧм гижӧмысь (
