КОМИ КНИГА КОМИ ЙӦЗ БОСЬТАЛӦНЫ

Кывлан уналысь — крестьяна пӧ оз босьтны (ньӧбны) коми книгаяс, сиктъясын пӧ сы вылӧ сьӧм абу на. Кооператив лавкаяс унджыкыс оз босьтчыны вузасьны коми книгаясӧн: миян пӧ тайӧ оз мун.

Колӧ вӧлӧм эськӧ водзвыв видлыны вузавлыныс, сэки сэсся и шуасны тадзитӧ.

Позтыкерӧсса школаын удж нуӧдысь корис миянлысь, Коми Издательстволысь, коми книгаяс вузавлыны школаын велӧдчысьяс кооператив лавкаын. Ми мӧдӧдім налы декабр тӧлысьын коми книгаяс 10 ш. да 50 ур дон. Ӧні, кык тӧлысьӧн найӧ вузалӧмаӧсь 7 шайт дон нин, дай ещӧ на водзӧ кежлӧ корӧны.

Со та серти сэсся и мӧвпалӧй, колӧ оз коми йӧзлы коми книга дай ньӧбӧны оз найӧ книгаяссӧ, ваян кӧ гортас.

Быд сиктын кӧ тадзи кутасны вӧчны, сэки коми книга лэдзанін регыдджык вузалас важ лэдзӧм литературасӧ, бӧр бергӧдас сы вылӧ видзӧм сьӧмсӧ да выль книгаяс ӧдйӧнджык лэдзас. Кымын ӧдйӧ кутас мунны коми книга, сымын сійӧ донтӧмджык лоӧ дай унджык пӧлӧсӧс позяс лэдзны.

Босьтчылӧй унджыкӧн коми книгаяс коми йӧз пӧвстӧ нуны.

КУЗЬКОКОВ.