НЫВБАБА КОСТЫН УДЖ КОЙГОРТЫН

(Сыктыв уездын)

Койгортын делегатъяслӧн некутшӧм чукӧртчывлӧм эз вӧвлы ӧні колян тулыссянь нин. Ӧні сэтчӧ муналісны выль партийнӧй ёртъяс да нывбаба кост удж бара кутіс босьтчыны. Вӧлӧма кык собранньӧ делегатъяслӧн. Йӧзыс волӧмаӧсь уна. Сёрнисӧ, висьтавлӧмсӧ кывзӧмаӧсь зэв бура. Медбӧръя собранньӧыс делегатъяслӧн вӧлӧма февраль 5-ӧд лунӧ. Сэні сёрнитӧмаӧсь кооперативас уджалӧм йылысь. Делегаткаяс шуӧмаӧсь: колӧ пӧ вайны медвойдӧр лавкаӧ крестьяналы медся колан тӧвар (тыдалӧ, кооперативыс неуна омӧльджыка та вылӧ видзӧдлывлӧма). Оз пӧ ков ӧти мортлы сетавны уджӧн уна дон тӧварсӧ дай сетавны унджыксьыс медъёна нуждайтчысь йӧзлы.

Кооператив ёнмӧдан тӧлысьӧ кооперативӧ шленӧн пырисны 38 нывбаба. Ӧні ставыс нывбабаыс кооперативын 41 морт. Ӧти нывбабаӧс бӧрйӧма шленӧн кооперативса ревизионнӧй комиссияӧ.

Виттор Наталь.