МОРОКИН ЯКОВ

Вылыс Вочын (Кулӧмдін уездын) кулӧма декабр тӧлысьын Яков Никитьевич Морокин. Сійӧ пыр муніс уджалысь йӧз вӧсна. Ветліс тшӧтш озыръяскӧд воюйтны воӧн-джынйӧн кымын. Гортас локтӧмсянь эз петав служитӧмысь — гижис ас сельсӧветын. Еджыдъяс дырйи лои пышйывны — ветліс нылыскӧд Перымскӧй губерняӧ вӧвнас, куим тӧлысь эз вӧв гортас. 1922ʼ воын Вылыс Вочысь сельсӧвет быри, сэкисянь Морокин ёрт некытӧн нин эз служит — висис чакоткаӧн. Вӧлі «Югыд туй» газет гижысьын (селькор); унаысь норасьліс аслас дзоньвидзалун вошӧмыс вылӧ; вӧзйысьӧ вӧлі кытчӧкӧ карӧ служитны пырны. Корсюрӧ гижавліс коми стихотворенньӧяс.

Морокинлы вӧлі 49 арӧс. Сылӧн коли семья: гӧтырыс — 50 арӧса кымын, пи 18 арӧса да кык ныв: ӧтикыслы — 15 арӧс, мӧдыслы — 7.

Быри ӧти комиӧн гижысь, содталӧй сы пыдди дасӧс!

К.