РАБОЧӦЙЯСӦС ДОН СОДТӦМ ПЫДДИ ЛЫЙЛӦНЫ

ПРАГАЫН (Чехословакияын) коммунист партияыс вӧчис митинг уджалӧмысь дон содтӧм корӧм кузя, нянь-вӧлӧгалӧн доныс содӧ да. Митинг вылӧ чукӧрмылісны рабочӧйяс 15 сюрс морт. Митинг помасьӧм мысти рабочӧйяс чукӧрӧн мунісны кар кузя. Пӧлича кутіс найӧс лыйлыны. Рабочӧйяс заводитлісны пӧличакӧд косясьны да бӧръяпомас лои разӧдчыны. Рабочӧйясӧс тайӧ косяс виисны 8 мортӧс, ранитісны 30 мортӧс. Комын мортӧс кымын арестуйталісны. Прагаса гарнизон лӧсьӧдчыліс петны карӧ рабочӧйясӧс пановтӧм вылӧ. Войнас военнӧй патрульяс корсялісны салдатъясӧс, кодъяс оз кӧсйыны вӧлі петны рабочӧйяслы паныд да пышйылісны.