ГАЗЕТӦ ГИЖЫСЬӦС ОЗ ПОЗЬ ВӦРЗЬӦДНЫ

КРАСНОЯРСК (Сибырын). Енисейскӧй губсуд судитіс «Сорокино» станцияса начальниклысь помощниксӧ — Гелумбовскӧйӧс — газетӧ гижысьӧс вины кӧсйысьӧмысь — 5 во чӧж пукӧдны.

МӦСКУА. Февраль 12-ӧд лунӧ заводитчис суд Белоруссияса газетӧ гижысьӧс — Лапицкӧйӧс — топӧдӧмысь. Мыжалӧны 10 мортӧс, на костын райисполкомын юралысь Домбровскӧй, сельсӧветса секретар Овсянников, милиционер Савченко, мукӧдыс унджыкыс крестьяна.

Домбровскӧй шуӧ: ме пӧ мыжа сӧмын резолюция пуктӧмысь Лапицкӧйӧс арестуйтны; Овсянников некутшӧм мыж ас вылас оз лыддьы; милиционер Савченко висьталӧ: ме пӧ мыжа Лапицкӧйӧс куим лун лишнӧй видзӧмысь чижовкаын. Кык кулак — Новиков да Шевчук — висьталісны: ми пӧ гижлім Лапицкӧй вылӧ донос, сӧмын пӧ сійӧ вӧчсьӧма асланым пемыдлун понда.