ПОШТА КУД

ГАЗЕТӦ ГИЖЫСЬЛЫ. КУЖЪЯ. Ыстӧм гижӧдъяссьыд ӧткымынлаті босьтім газетӧ. Гиж водзӧ.

ГАЗЕТӦ ГИЖЫСЬЛЫ. СЁСЬКА. Тэ, ёрт, водзӧ кежлӧ гиж мичаджыка, мыйла нырӧм моз гижӧдъяс ыстан. Мед ӧд позьӧ миянлы лыддьыны дай типографияын мед вермасны тэнад гижӧд серти набирайтны. Сэсся быд ыстӧм гижӧдын колӧ гижны ассьыд ним-овтӧ.

РАЗГОРТСА ЗИМОГОРЛЫ. Зимогорӧн кӧ гижсян, зимогор кодь ӧд и гижӧмтӧ тай ыстан. Зимогорнад ӧд коми йӧз шуӧны дыш да гуляйтысь йӧзӧс. Бурджык нимтӧ аслыд эн нин вермы корсьны. Тані ми «Чипан пӧжӧм» статья йывсьыд сёрнитам. Водзӧ кежлӧ татшӧмъястӧ эн ыстав. Гиж мукӧдтор йылысьджык. Комиӧн гижан тэ лӧсьыда.

ИВАН МЕНЬШИКОВЛЫ. КЕРЧЕВИЦЫ, НОВГОРОДСА ГУБЕРНЯ УЛЫН. Тэ ёрт, коми кывсӧ омӧля на тӧдан, ачыд кӧть коми. Гижан — этша вира на пӧ, сійӧ пӧ абу на. Кыдзи нӧ коми кыв абу. Коми кыв велӧдан чукӧр восьтӧм йылысь нинӧм бурсӧ тэ он висьтав. Коми кыв велӧдан чукӧр дорысь бурджык лӧсьӧдны коми литература велӧдны чукӧръяс. Статьяыд оз мун.

ТУНЛЫ. «Керӧм-ёрӧм» да «дедъяс» йылысь оз мун.

ВИЧКОӦ ВЕТЛӦДЛЫСЬЛЫ. ГРИВА. «Вичкоӧ ветлӧдлӧ» статьяыд оз мун. Енлы эскӧм быд мортлӧн аслас делӧ. Дерт, бурджык эськӧ вӧлі, вичкоӧ кӧ некод эз ветлы. Сӧмын ӧні ветлысьыд уна на. Вочасӧн эськӧ бырӧ жӧ да.

УТЮГЛЫ. ВОЛСЯ. Учитель йывсьыд газетын оз мун.

М. ТЮФЯКОВЛЫ. ПОЁЛ. Кӧть и эн тшӧкты, эг лэдзӧй. Гижан комиӧн лӧсьыда. Гиж мӧдтор йылысь.

КОМИ СЛУЖАЩӦЙЛЫ. СЫКТЫВДІНКАР. «Быдсяма кӧзяеваыд эм» гижӧдыд оз мун. Нокӧ ачыд мӧвпышт, мый тэ бурсӧ да колансӧ аддзан аслад статьяысь, мый кӧсйин висьтавны.

ЫЛЫСЬ АДДЗЫСЬ. ДИКОЕВКА. «Вӧр сёйӧм» да «Мудер мельник» статьяясыд оз мунны газетын.

ПЕЛЫСЬЛЫ. ПАЛЬ. «Тадзи вӧчны оз позь жӧ» мӧдӧдім ОКК-ӧ.

ВИДЗӦДЫСЬЛЫ. МЕЖАДОР. Пионер спектак йывсьыд оз мун.

С-Ц-ЛЫ. САВАЯГ. Тэ кӧсйӧмыд висьтавны ӧтитор, артмӧма мӧдтор.

П. СОРВАЧЁВЛЫ. Сельхозтехникум. «Весалӧй кӧйдыс» статья кузяыд пырав редакцияӧ.

КЫВЗЫСЬЛЫ. ОСТАПОВКА. Черныш Волисполкомса гижысь йывсьыд оз мун.

ПИПУНЫРЛЫ. ВИЗИН. Поп йывсьыд оз мун. Налысь наянлунтӧ ӧд тӧдӧны нин быдӧн, майбыр.