КРЕДИТНӦЙ ТӦВАРИЩЕСТВОЛӦН УДЖАЛӦМ

ВИСЕРЫН (Кулӧмдін уездын) вӧлі собранньӧ кредитнӧй тӧварищество шленъяслӧн. Сэні вӧлі доклад тӧварищество уджалӧм йылысь. Тӧварищество аслас шленъяслы колян вося октябр 1-ӧд лунӧдз сетлӧма сьӧмсӧ 4221 шайт да 70 ур. Прӧчент босьтӧма 176 шайт. Сійӧ во вылын тӧвариществолӧн убытка лоӧма 98 шайт да 51 ур. Тӧварищество правленньӧыс колян во сентябрын ньӧбис 20 плуг да 1 вартан машина. Босьтігас Сыктывдінкарса Госсельсклад кӧсйысьлӧма ыстыны юӧр ӧтпырйӧ тайӧ тӧварсӧ мӧдӧдігӧн мӧдӧдӧм йывсьыс. Сӧмын абу юӧртлӧма. Сы вӧсна плугъяс да вартан машина дыр туплясьӧмаӧсь Шойнатыын ю дорас зэр улын. Тӧвся туй сувтӧм бӧрын вӧлисти нин вайисны ньӧбӧмъяссӧ Висерӧ. Шленъяс тӧвариществоса правленньӧлы тшӧктісны воӧм убыткасӧ вевттьыны да водзӧ кежлӧ уджавны сідзи, медым убытка эз вӧв некутшӧм. Сэсся шуисны быд шленлы ньӧбны 5 шайта крестьянскӧй пай обласьтувса сельскокӧзяйственнӧй банкысь.

Казаков.