ЙӦЗЛЫСЬ СЬӦМ АСЛЫС БОСЬТІС

НЕМДІНЫН (Кулӧмдін уездын) колян во тулыс Северолес пуктыліс нарадчикӧн ӧти кер лэдзысь чукӧрӧ Иван Епим Васьӧс. Кер лэдзысьяслы Северолес кӧсйысьлӧма мынтыны дас куим урӧн кер вылӧ. Сідзи и сетлӧма Иван Епим Васьлы. Сӧмын Иван Епим Вась кер лэдзысьяслы эз мынты Северолес кӧсйысьӧм серти, мынтысис дас урӧн кер вылӧ. Быд керйысь куим ур сюйис аслас зептӧ. Кер лэдзысьяс кӧсйӧны вӧлі сетны сыысь Иван Епим Васьӧс судӧ, сӧмын сетнысӧ яндзим лоӧма налы. Ӧні Иван Епим Вась гижсьӧма кер лэдзны Англолеслы. Вель уна нин сэтысь водзвыв босьтӧма сьӧм. Мортыд сы вӧсна оз тӧждысь, мӧвпалӧ кутчысьны уджавны кер бердын Северолеслы. Колӧ видзӧдлыны тайӧ мортыс вылӧ, кодлы мог.

Пытш.

РЕДАКЦИЯСЯНЬ: Редакция шензьӧ, мый вӧсна кер бердын уджалысьяс эз сетны Иван Епим Васьӧӧс судӧ, тӧдӧны кӧ вӧлі сыӧн аслыс зептас йӧзлысь сьӧм босьтӧмсӧ. Кутшӧм нӧ яндзим вермас лоны. Колӧ ӧд быдӧнлы вермасьны да дугӧдны Иван Епим Вась кодь уджалысьясӧс.