ПОМӦСДІНЫН

Коммунист партиялӧн ячейка.

Ячейкаын шленыс 4 морт. Кандидатыс 10. Быд вежон чукӧртчылӧны собранньӧ вылӧ лыддьысян керкаӧ. Велӧдчӧны Укомӧн ыстӧм программа серти. Собранньӧяс вылӧ волӧны комсомолечьяс дай непартийнӧй войтыр. (Членъяс костын лёксьӧм оз мун. Олӧны лючки, лабутнӧя). Ячейка кывзывлӧ аслас собранньӧ вывъясын удж нуӧдӧминъясын удж вӧчӧмъяссӧ. Эмӧсь окотитысьяс пырны партияӧ. Сӧмын ӧтитор омӧль: пожӧгса кандидатъяс помӧсдінса ячейкаынӧсь да на костын удж нуӧдӧмыс оз лолы.

Комсомол ячейка.

Комсомол ячейкаын шленыс 5 морт, кандидатыс 2 морт. Арсяньыс уджныс омӧля вӧлі мунӧ. Ӧні бӧръяпомыс удж бердас босьтчисны. Лыддьысян керкаысь шоч лун нин он аддзыв найӧс.

Собранньӧяс асланыс велӧдчӧм кузя да удж лӧсьӧдӧм кузя быд вежонын ӧтчыд да кыкысь чукӧртчылӧны. Унатор на велӧдчан пиысь оз судзсьы сьӧмын. Журналъяс, газетъяс, нигаясыд налы пӧлӧсыс абу. Сы вылӧ сьӧмсӧ эськӧ спектакъяс вӧчӧмӧн зільӧны жӧ лӧсьӧдны да. Том войтыр унаӧн пырисны комсомолӧ дай унаӧн на пырӧны ӧні.

Профсоюзса шленъяслӧн ячейка.

Став шленыс Помӧсдінса профсоюз ячейкаын 40 морт. Ячейка уджалӧ бура. Вежон пиас быд четвергӧ чукӧртчылӧны. Велӧдчӧны политграмотаӧ, сэсся тӧдмасьӧны Доброхим уджӧн.

ЕПӦ.