ВЫЛЬ ЛЬГОТАЯС СЕЛЬХОЗНАЛОГ МЫНТӦМЫН

СССР-са Наркомфин тшӧктӧма финотделъяслы паськыда юӧртны йӧзӧс выль содтӧд льготаяс (кокньӧдъяс) сетӧм йылысь сельхозналог мынтӧмын Гӧрд армияын да флотын служитысь семьяяслы. Содтӧд льготаясыс со кутшӧмъяс: гӧрдармееч семьяяс, абу кӧ налӧн му-виддзыс унджык ӧтиӧн-джынйӧн (1½) дорысь шӧр нормаысь морт вылӧ, кодӧс лӧсьӧдӧма быд губернялы (обласьтлы), да абу кӧ налӧн уджалысь мужчинаыс некод гӧрдармееч кындзиыс, налогсӧ мынтӧны сӧмын джынсӧ; гӧрдармееч семьяяс, кодъяс уджалӧны му-видз да абу налӧн уджалан скӧтыс (вӧвъяс), мездыссьӧны став сельхозналогысь дай местнӧй содтӧдысь. Тайӧ содтӧд льготаяс лӧсьӧдтӧдзыс кӧ налогсӧ гӧрдармееч семьяяс мынтӧмаӧсь нин, налы сьӧмыс бӧр сетсьӧ.