ПОШТА КУД

ДЕРЕВАННӦЙ. СЮЗЬЛЫ. «Вежӧдӧны порсьпиӧс» юӧрыд газетын оз мун. Комсомолечьясыд веськыда вӧчӧмаӧсь.

ЛЭБАЧЛЫ. КӦТШПОМ. «Олӧм Кӧтшпомын» статьяыд оз мун. Неважӧн на Кӧтшпом йылысь гижлім. Сэсся тэнад коланторйыс нинӧм абу гижӧма. Гиж, кыдзи тіян мунӧ югдӧдчан удж, кыдзи уджалӧ сельсӧветыд.

МАКСИМ МИКУЛ ПИЛЫ. УХТА. Школаяс йывсьыд оз мун. Комиӧн гижан тэ лӧсьыда. Гиж мукӧдтор йылысь.

ПАНЬӦ МИШ ПИЛЫ. ВОЛСЯ. Тэ мый йылысь гижан, газетын вӧвлі нин. Гиж водзӧ. Гижӧдыд артмӧ лӧсьыда.

Н. С.-лы. СЫКТЫВДІНКАР. «Кыдзи олӧны да быдмӧны коми челядь» статьяыд оз лӧсяв газетӧ. Гиж мукӧдтор йылысь. Ӧні тай нӧ мыйлакӧ дзикӧдз дугдін гижӧмсьыд?

№ 148. МОРДІН. «Абу сетӧма пистиавны» гижӧдтӧ ыстім Обоноӧ.

КӦКУЛЬКАРСА АНЬЛЫ. Газетын вӧвлі нин да, «Ӧтитор мешайтӧ» статьяыд оз мун.

МОТОРИНЛЫ. «Карса больничаын» гижӧдторйыд оз мун.

КУЛӦМДІН. БАЗОВАЛЫ. Ыстӧм гижӧдъясыд оз лӧсявны. Гиж стенӧ ӧшӧдан газетад.

И. А -ЛЫ. СЫКТЫВДІНКАР. Изьваад тэ колян гожӧмын волӧмыд да, аддзылӧмтортӧ вӧлисти гижан. Сэки ӧд и колі гижны. Ӧні нинӧм нин газетын лэдзӧмысь.

СЫРЧИКЛЫ. КӦРТКЕРӦС. Кооператив ёнмӧдӧм лунъясыд тіян мунлӧма декабрын 17−18-ӧд лунъясӧ, тэ сы йылысь гижан январ 19 лунӧ. Дзонь тӧлысь мысти вӧлисти. Дыр тай кӧсйӧмыд. Поплы эскӧм йывсьыд оз жӧ мун. Тэ гижан — енмыд пӧ абу, сэсся и нинӧм. Колӧ ӧд йӧзыдлы висьтавлыны: кыдзи, мыйла абу, коді сійӧс лӧсьӧдліс, с. в. Куш ӧти «абу» шуӧмнад эскӧмтӧ он дугӧд.

КЫВЛЫСЬЛЫ. ПРОНЬДОР. Пожӧгса лесничество объездчик йывсьыд оз мун.

ПАРМАЗОНЛЫ. ДОН СИКТ. Ӧткымынлаті лэдзим газетын. Гиж водзӧ. Сӧмын колӧ гижны медтӧдчӧджык.

КУНСУКЛЫ. КӦРТКЕРӦС. «Бур велӧдысьясыд» оз мун. Попъясыд эськӧ мый оз шулыны да. Медтыкӧ шуӧмсӧ оз вӧчны-а. «Сямтӧмӧсь на» статьяыд оз жӧ мун. Быдӧн ӧд тӧдӧны — нывбаба пиысь уна на вичкоад ветлысьыд эм.

ЮГЫДЛЫ. ВЫЛЬГОРТ. «Дас кӧкъямыс шайта Иван» статьяыд оз мун. Тайӧ гижӧмнад религияыдкӧд этша нин вермасян.

РУЛЫ. ПОМӦСДІН. Ловъя газет йывсьыд оз мун. Гиж стеннӧй газетад.

ПЕЗМӦГСА БОГОМОЛЛЫ. Дерт, сідзи оз ков. Мӧдӧдім Обкоммолӧ.

АТТӦ ДИВӦЛЫ. ОСТАПОВ СИКТ. Рӧштво лунся лоӧмторйыд газетын оз мун. Газет тыртны сэтшӧмъяснад нинӧм. «Гӧрд армиялӧн юӧр» оз жӧ мун.

КУЛӦМДІН. ОПАРИНЛЫ. «Вӧтчӧны» гижӧдад цифраяссӧ зэв нин важсяӧс босьтӧма, ёна сёрмис ӧні. Оз мун.

ВИЗИН. ДОМАШНИНЛЫ. Тэ сэтшӧм мисьтӧма гижан — муртса лыддьыны вермим. Сэсся зэв нин поснитор йылысь гижан, оз мун.