ГРИВАСА НЫВБАБАЯСЛӦН УДЖ

Гриваын (Сыктыв уездын) нывбабаяс дыр эз чукӧртчывлыны. Волорганизатор уджавліс мукӧд пӧлӧс удж. Ёна нывбаба кост удж дінӧ кутчысис декабр тӧлысьын. Сэки бӧрйисны выль делегаткаясӧс. Бӧрйисны став вӧлӧсьт пасьта 43 мортӧс. На пиын колины ещӧ важ делегаткаяс. Вӧлі ӧтикысь чукӧртчылӧм став сиктса нывбабаяслӧн. Кыкысь чукӧртчылісны делегаткаяс. Став делегаткаыс бӧрйисны пырны шленъясӧн лавкаӧ, мӧда-мӧдлы отсасян комитетӧ, учрежденньӧясӧ уджӧ велӧдчыны. Лавкаын шуисны вӧчны «полка для матери и ребенка». Кооператив ёнмӧдан тӧлысь дырйи пырисны лавкаӧ шленӧ 25 нывбаба. Делегаткаяс шуисны тшӧкыдджыка чукӧртчывлыны. Бӧрйисны ас пытшсьыс газетӧ гижысьӧс.

Неграмотнӧй делегаткаяс велӧдчӧны школаын.

Е. Карманова.