ДУГӦДНЫ ЙӦЗЛЫСЬ СЬӦМ АС ВЫЛАС ВИДЗНЫ

А. Куклин гижӧ Пальса (Емдін уездын) ветеринарнӧй пункт вылын стӧрӧж видзӧм йылысь. Сійӧс видзӧм вылӧ вӧлӧстнӧй бюджет серти сетсьӧ быд тӧлысьӧ кӧкъямыс шайт.

Сӧмын ветеринарнӧй пельшӧр Сметанин А. А. сійӧ сьӧмсӧ стӧрӧжлы оз и сетлы. Сійӧ олӧ стӧрӧж керкаас зэв бур куим вежӧсын. Сэсся видзӧ скӧтсӧ ассьыс стӧрӧж картаас. Стӧрӧжӧс быдлаӧ аслыс (Сметанинлы) коланінӧ кесйӧдлӧ. Ставсьыс таысь Сметанин мынтӧ стӧрӧжлы 8 шайт. Сідзкӧ артмӧ, мый Сметанин мынтӧ стӧрӧжлы сійӧ керкаын аслас олӧмысь, а оз вет. пунктын стӧрӧжалӧмысь. Колӧ дугӧдны тадзи уджалӧмысь Сметанинӧс.