ЛЕНИНЛЫСЬ СЁРНИ КЫЛАМ

Поёлӧ (Сыктыв уездын) Горчаков ёрт Мӧскуасянь велӧдысьяс съезд вывсянь локтігмоз колис миянлы ӧтик граммофонӧн ворсан пластинка. Пластинкаас Ленин ёртлӧн Белакункӧд радио пыр сёрнитӧм йылысь висьталӧм да шӧркоддьӧм олысь крестьяна йылысь висьталӧм. Тайӧ пластинкаыс зэв лои миянлы нимкодь. Сійӧ луннас жӧ ӧти ёрт ордысь босьтім граммофон да кывзім Ленин ёртлысь сёрнисӧ. Кывзан да, быттьӧ Ленин ёрт ачыс миян пытшкын варовитӧ.

Ӧні нардомын да лыддьысян керкаын уна крестьяна кывзылӧны тайӧ пластинкасӧ. Миян став крестьяна Ильичлысь сёрнисӧ кылӧны.

Ыджыд аттьӧ тайӧ пластинка миянлы сетӧмысь Горчаков ёртлы.

Быд сиктӧ эськӧ колӧ сетны Ленин ёртлысь «сёрнисӧ».

Сіс.