АМЕРИКАЫН СССР-ӦС ПЫДДИ ПУКТЫСЬЯС СОДӦНЫ

НЬЮ-ЙОРК. «Юнайтэд Пресс» агентство юӧртӧ — америкаса правительствоын шленыс, министр финансов (сьӧм йылысь удж нуӧдысь) Меллон сулалӧ СССР-ӧс пыдди пуктӧм дор. Меллон шуӧ: германияса промышленносьтлы позьӧ уна вузавны ассьыс вӧчӧмторъяссӧ сӧмын СССР-ӧ. Сійӧн сӧмын Германия вермас чукӧртны ас ордас сьӧм да мынтыны уджйӧзъяссӧ важ войнаысь (репарации) мукӧд государствояслы, Америкакӧд конкурируйттӧг^Конкуренция — венласьӧм, вӧтлӧм ӧтикӧн мӧдӧс кутшӧмкӧ уджын: вузасьӧмын-ӧ, мукӧдторйын-ӧ./^, СССР вермас Германиялысь ньӧбны тӧвар, сӧмын сетасны кӧ сылы уджӧн сьӧм (кредиты) мукӧд государствояс. Удждыны сьӧм СССР-лы вермас сӧмын Америка. Франция Америкалы уджйӧз вермас мынтыны, сӧмын сылы кӧ аслыс Германия кутас мынтыны кадын уджйӧзсӧ. Сідзкӧ Америкалы колӧ лӧсьӧдны бура волысьӧм СССР-кӧд.