ЙӦЗӦС ТОПӦДӦМ ЁНМӦ

Вена. Югославияын правительствоас бӧрйысьӧм луныс матысмӧм кузя йӧзӧс топӧдӧм ещӧ нин ёнмис. Правительстволы паныд мунысьяслысь собранньӧяс пӧшти быд лун мырдӧн разӧдалӧны да тупкалӧны. Овлывлӧны сэки виӧмъяс, дойдалӧмъяс. Белградын бӧрйысьӧм йылысь чукӧртӧм ӧти собранньӧ вылын Югославияса премьер-министр (парламентас юралысь) Пашич шуис: бӧрйысьӧм кӧ мунны кутас не миян ногӧн мӧвпалӧмӧн, уна йӧз оз мынны витӧг. Ӧнія правительствоыд ӧд некор оз лэдз Югославияӧс юксьыны уна пельӧ да лӧсьӧдны ӧти пыдди уна государственнӧй парламентъяс. Коді кутас нуӧдны удж Радич партия моз (крестьяна дор сулалысь партия), сійӧ вӧчӧ измена государстволы.