КОСЬ БӦРЙЫСЬӦМ КУЗЯ

Вена. Югославияын правительствоӧ бӧрйысьӧм кузя кось пыр ӧтарӧ паськалӧ. Ӧнія правительство дор сулалысь партияяс косьсӧ нуӧдӧны «большевикъясӧн удж нуӧдӧмкӧд косясьӧм» лозунгӧн. Правительствоыс личкӧ оз сӧмын рабочӧйяслысь да крестьяналысь организацияяс, личкӧ и буржуйясӧс, кодъяс мунӧны правительствоыслы паныд. Правительство отсалӧмӧн фашистъяс пӧличакӧд ӧтвыв помала вӧтлӧдлӧны да разӧдалӧны бӧрйысьӧм йылысь сёрнитан собранньӧяс правительстволы паныд мунысь партияяслысь, партияясас юралысьяссӧ (вождей) нӧйталӧны, виалӧны. Сідз, демократъяслысь юралысьсӧ Поповичӧс фашистъяс отравитӧмаӧсь, Югославияса крестьяна союзын секретарсӧ Станичӧс нӧйтӧмаӧсь, удж нуӧдысьсӧ Югославско-Немецкӧй партияысь Крафтӧс ранитӧмаӧсь. Уна карын зэв уна правительстволы паныд мунысь йӧзӧс арестуйталӧмаӧсь.