РЫКОВ ЁРТ ЗАВОДЪЯС ВЫЛЫН

Ростовын Рыков ёрт воліс кучик вӧчан завод вылӧ, тӧдмасис завод уджӧн. Рабочӧйяс заводын уджалӧмысь дугдывтӧг сьӧлӧмсяньыс вӧчисны Рыков ёртлы чолӧмбыттьӧяс. Сэсся Рыков ёрт муніс Нахичевань карӧ, кӧні воліс «Красный Аксай» нима му-видз уджалан машинаяс вӧчан завод вылӧ. Заводӧ локталісны рабочӧйяс Нахичеваньса гырысь заводъяс вылысь да Александровка сиктысь крестьяна. Заводса ӧграда ӧдзӧс водзас Рыков ёртлы петісны паныд зэв унаӧн. Йӧз пиын унаӧн вӧліны сувталӧмаӧсь радӧн-радӧн пионер чукӧръяс. Заводын вӧлі собранньӧ. Дас сюрс йӧз водзын Рыков ёрт петаліс кыв висьтавны. Висьталіс СССР-лысь олӧм да мукӧд государствокӧд волысьӧм. Рабочӧйяс асланыс висьталӧмын корисны правительстволысь унджык заводъяс вӧчавны, медым пӧ эськӧ этшаджык ковмис ньӧбасьны мукӧд государствоясысь. Сэсся Рыков ёрт висьтавліс уна рабочӧйясӧн сылы запискаяс сеталӧм вылӧ. Сідз висьталіс: локтан воӧ пӧ Сӧвет власьт кӧсйӧ ӧтлаавны Волга да Дон юяс каналӧн. Украинаын пӧ регыд кутас мунны электрификация, коді ёна отсалас сувтӧдны бурджыка кӧзяйствонымӧс.