ВОСЬТІМ ЛЫДДЬЫСЯН КЕРКА

Час вӧл. Емдін у. январ 4 лунӧ вӧлі крестьяналӧн собранньӧ. Собранньӧ вылас сёрнитім лыддьысян керка восьтӧм йылысь. Менам висьталӧм бӧрын крестьяна собранньӧ шуисны асланыс сиктӧ восьтыны лыддьысян керка. Сы вылӧ шуисны быд крестьянинлы (асланыс сиктысь) мынтыны 36 урӧн во вылӧ. Сьӧмсӧ тшӧктісны ӧктыны волисполкомлы. Сійӧ жӧ кутас мынтыны лыддьысян керка видзӧмысь. Собранньӧ вылын жӧ лӧсьӧдчисны, шуисны, код ордӧ восьтыны лыддьысян керка. Удж нуӧдысяс пуктісны зэв сюсь мортӧс. Вӧвлӧма сійӧ гӧрд армияын. Ӧні ёна аслас сиктын нуӧдӧ крестьяна пиын югдӧдан удж: лыддьӧ газетъяс, висьтавлӧ унатор.

Слудаын крестьяна асьныс судзӧдӧны газетъяс: «Беднота», «Крестьянскӧй газет», «Югыд туй».

Тайӧ став газетыс ӧні лоӧ лыддьысян керкаын. Сэсся Час сиктса профсоюз ячейка шуис Слудаса лыддьысян керка ним вылӧ судзӧдны кык газет «Югыд туй».

Обполитпросветлы колӧ видзӧдлыны тайӧ лыддьысян керка вылас да сетны книгаяс.

Гестеч.