ЗАВОДИТӦМ УДЖ КОЛӦ ПОМАВНЫ

ВОЛСЯ ВӦЛӦСЬТЫН ВАДЫБ СИКТЫН во кык кымын сайын заводитлісны лэптыны мельнича Визин ю вылӧ. Чукӧртісны вӧрсӧ тырмымӧныс, заводитлісны тшупны нин. Ӧти сруб тшуписны кер дас кымын судта, сэсся эновтчисны. Ӧні дась вӧрыс куйлӧ берег вылас, чукӧрын вевттӧгыс сісьмӧ.

Ӧні мельнича лэптӧм йылысь мӧвпыштнысӧ оз кӧсйыны. Тыдалӧ, войтырлы кажитчӧ ветлыны изӧдчыны йӧз мельничаясӧ аръяснас няйт ванас да мешӧкъяснас вуджӧдчыны Сыктыв да Визин ю вомӧн. Ёна мучитчӧны няньяснас да телегаяснас пыжӧн вуджӧдчигӧн.

Вадыбсалы колӧ мӧвпыштны та йылысь да заводитӧмторсӧ помавны. Мельничатӧ вӧчны ті 130 керка юр вылад верманныд. Нинӧм дасьтӧм вӧр сісьтыны. Колӧ видзӧдлыны Волсяса десята вылӧ, найӧ дыр-ӧ стрӧитісны ӧтув босьтчӧмӧн мельничатӧ. Ӧні налы некытчӧ бокӧ изӧдчыныд оз ков мунны. А ті ӧні йӧзад мунанныд да сэні оз на и лэдзны изнытӧ, асланыс пайщикъяслӧн кӧ изӧдчаныс уна.

Утюг.