БУРМӦДӦЙ ВИДЗ-МУ УДЖАЛӦМ

Том йӧз кыпӧдчӧны выль ног му-видз уджалӧмӧ.

Важӧнсянь нин Абъячойса агроном, сідзжӧ комсомол чуксалӧ-корӧ том йӧзӧс ӧтвылысь велӧдчыны му-видз уджавны.

Ӧні Абъячойын лӧсьӧдісны кык му-видз уджавны велӧдчан кружок (сельскохозяйственные кружки). Том йӧз чукӧртчывлӧны да тӧлкуйтӧны агрономкӧд, сійӧ помощниккӧд, кыдзи-мый колӧ олӧм кыпӧдны, кыдзи уджавны видз-му, мед эськӧ сійӧ вайис унджык бур.

Кыкнан кружокас эм морт 80, ставыс том йӧз. Кружокъясын сёрниталісны скӧт видзӧм, вердӧм йылысь, шабді уджалӧм йылысь да мукӧдтор.

Обласьтувса видз-му удж нуӧданінлы колӧ том йӧзлы отсавны аддзыны кӧйдысъяс, книгаяс, мед найӧ бурджыка вермасны кутчысьны уджавны.

М.