ВОЙВЫВ КАВКАЗСА СӦВЕТЪЯСЛӦН СЪЕЗД

Ростов-на-Дону. Воссис 1-а Краевӧй Войвыв Кавказса Сӧвет власьтлӧн съезд. Чолӧмбыттьӧ кывъяс висьталісны Рыков ёрт да Краевӧй РКП Комитетса секретарыс Микоян ёрт. Йӧзӧс велӧдӧм йылысь докладын висьталісны: велӧдысьяслы пӧ войдӧрджык мынтылім 22 шайт, ӧні пӧ мынтыссьӧ 40 шайт. Съезд вылын бӧрйисны выль йӧзӧс Донскӧй Исполкомӧ. На пиысь коймӧд юкӧныс непартийнӧй крестьяна. Му-видз удж нуӧданінӧ юралысьӧн бӧрйисны непартийнӧй крестьянинӧс Медведев ёртӧс. Прокурорлы помощникӧ пуктісны непартийнӧй крестьянинӧс жӧ Корыченко ёртӧс.