СССР ДА ФРАНЦИЯ КОСТ ВОЛЫСЬӦМ

Миян посол Францияын Красин ёрт ӧні Мӧскуаын. СССР да Франция кост олӧм йылысь Ростаын уджалыськӧд сёрниын Красин ёрт висьталіс:

Волысьӧм лӧсьӧдӧма.

Ме ветлі Францияӧ лӧсьӧдны накӧд волысьӧм. Ӧні сійӧ волысьӧмсӧ позьӧ шуны артмӧмӧн. Миян представительство Францияын заводитіс нин уджавны.

Врангельӧн пышйӧдӧм военнӧй суднояс йылысь.

Кӧсйӧны нюжӧдчыны сетӧмысь.

Россиялысь Врангельӧн пышйӧдӧм военнӧй суднояс йылысь^Врангель военнӧй суднояс мотайтліс Франциялы./^ Красин ёрт шуис: Министръяс сӧветын юралысь Эррио ордӧ ме медводдза ветлӧмын жӧ Врангельӧн пышйӧдӧм суднояс йылысь сёрниті. Эррио шуис: суднояссӧ пӧ сетам бӧр СССР-лы. Миян Комиссия ветліс Бизертаӧ видлавны суднояс. Бӧр Парижӧ Комиссия воӧм мысти ме Мӧскуаӧ мунны петан лунъясӧ бара волі Эррио ордӧ. Сійӧ шуӧ — суднояс тіянлы бӧр сетӧмын ӧні пӧ кыптіс выльтор Россиясянь уджйӧзъяс вӧсна. Ӧткымын морт парламентса депутатъяс пиысь шуӧны: колӧ пӧ войдӧр, суднояс сеттӧдз, СССР-лы казьтыштны важ уджйӧзъяс йылысь. Сы вӧсна Франция суднояс сетӧмысь оз ӧткажитчы эськӧ, сӧмын ӧні кежлӧ нюжӧдчӧ. Эррио шуӧм вылӧ ме кывъяс видзи: военнӧй суднояс некыдзи оз вермыны лоны уджйӧзъяс кузя кутан кӧлуйясӧн. Военнӧй суднояс сӧмын воюйтанторъяс, государствоӧс видзанторъяс мукӧд государствоясӧн войнаӧн локтӧмысь. Сы вӧсна тіянлы суднояс бӧр сетӧмысь кутны оз позь.