ОЗ КОВ ПАКЕТЪЯС КЫТЧӦСЮРӦ ЫСТАВНЫ

Висдінса (Емдін уездса) сельскокӧзяйственнӧй артель мӧдӧдлӧма срочнӧй пакет Емдінӧ. Айкинаса поштӧвӧй отделенньӧ пакеттӧ босьтӧма да Емдінӧ пыдди ыстӧма Удора вожӧ, Селибӧ. Сэсянь сэсся пакеттӧ бӧр бергӧдӧмаӧсь, ыстӧмаӧсь Емдінӧ. Веськыда кӧ эськӧ пакеттӧ ыстісны Висдінсянь Емдінӧ, сійӧ воис ӧти лунӧн. Удора вожӧ ыстылӧмӧн воис кык вежон мысти. Оз жӧ эськӧ ков тадзи кыдзисюрӧ пакетъястӧ ыставны да.

Сьӧдъюр. С. Паш.