ОКТЯБРИНЫ

Волсяын (Сыктыв уездын) январ 11-ӧд лунӧ вӧлі октябрины (выль нога пыртчӧм). Волісны нарошнӧ октябрины вылӧ Визинсянь пионеръяс 31 морт. Октябрины вылын вӧлі доклад выль быт йылысь. Сэсся чолӧмбыттьӧ кагалы дай сійӧ бать-мамыслы (кыкнаныс найӧ непартийнӧйяс) коммунист партиясянь, комсомолсянь, пионеръяссянь. Кагалы сетісны нимсӧ Энгельс. Ичӧтик Энгельсӧс босьтісны пионер чукӧрӧ. Октябрины вылын вӧліны уна йӧз, медся уна нывбабаяс. Нывбабаяслы октябрины зэв сьӧлӧм выланыс воӧма. Шуӧны — тадзи пӧ тай быдӧнлы колӧ вӧлӧм кагаястӧ пыртны.

Волсяса.