ПИОНЕРЪЯС СОДӦНЫ, УДЖАЛӦНЫ

Кӧрткерӧсын (Кулӧмдін уездын) ӧні пионерскӧй чукӧр вочасӧн пыр ыдждӧ. Ӧні чукӧрын лыддьыссьӧ нелямын сизим пионер, а арнас вӧлі кызь ӧкмыс. Ӧні чукӧрын нёль звено: «Гӧрд кодзув», «Мӧлӧт», «Гӧрд кутшпиян», «Кыа». Удж мунӧ лӧсьыда. Пионеръясӧс велӧдӧны политграмота, военнӧй строй да гимнастика. Политграмота велӧдӧ волполитпросветын юралысь, Яков Микайлович Барабанов, строяс велӧдӧ секретар Р.К.П-лӧн И. А. Потапов, гимнастика И. В. Попов. Велӧдчам пыр рытын. Январ 1-ӧд лунӧ рытнас кык звено босьтісны пионер присяга.

Коми том войтыр-челядьяс, пырӧй пионерскӧй чукӧръясӧ, уджалӧй, велӧдчӧй.

Пионер П. С. Попов