КРЕСТЬЯНА КОНФЕРЕНЦИЯЯС ЙЫЛЫСЬ

Декабр тӧлысьын быд вӧлӧсьтын и уна сиктъясын миян обласьтын мунісны крестьяналӧн конференцияяс. Татшӧм конференцияяс вылын крестьяна сёрнитісны быдсяматор йывсьыс. Гырысь войнаясыд понда ёна нин жебмылісны овмӧс крестьяналӧн и государстволӧн. Сёрнитантор тырыс. Быдтор йылысь колӧ мӧвпавны бура, мед эськӧ гӧгӧр лоӧ бур. Ӧтвылысь мӧвпалӧмӧн паськыд Коми муын олысь пемыд йӧз мырсьӧны югдӧдчыны, вӧтӧдӧны мукӧд ас кывъя сюсьджык йӧзӧс.

Со мый шуӧмаӧсь татшӧм конференцияясыс.

ШОЙНАТЫЫН.

(Кулӧмд. у.)

Йӧзӧс велӧдӧм йылысь: «Волисполкомлы лыд вылӧ босьтны став велӧдчытӧм челядьсӧ 10 арӧссянь 15 арӧсӧдз да босьтчывлыны найӧс ставсӧ велӧдны».

Вӧлӧсьтын тӧргуйтӧм йылысь. «Колӧ став вузасян лавкасӧ ӧтувйӧдны ӧти кооперативӧ».

ЗӦВСЬӦРТЫН

(Емдін у.).

Зэв ыджыд вӧлі сёрни нажӧткаяс йылысь. Шуисны корны сортовка лэдзан удж.

ВИЗИНЫН.

Мало-Кольёль сиктса крестьяна пӧшти ставныс ӧтвылысь шуисны тупкыны визинса вичко да восьтыны сэтчӧ школа. Тайӧ воясӧ пӧ вынным оз на судзсьы выль школаяс вӧчавны.

Быдлаын колӧ тадзи.