КООПЕРАТИВ ЙӦЗӦС ЮГДӦДАН УДЖ ОЗ НУӦД

ДОНЫН (Кулӧмдін уездын) кооператив уджалӧ лёка лӧсьыда. Колян вося дорысь тӧварыс донтӧмджык. Став шленыс лоӧ морт 80 кымын. Ӧні лӧсьӧдісны кӧйдыс весалан машина. Кутшӧма кутас уджавны машинаыс, оз на тӧдны, эз на видлыны да. Колӧ эськӧ агрономлы видлыны. Ӧти боксянь кооперативлӧн зэв омӧль. Сійӧ ньӧти оз ну йӧзӧс югдӧдан удж. Ревизионнӧй комиссияыс кооперативлӧн шуліс лӧсьӧдны сьӧм йӧзӧс югдӧдан удж вылӧ, да правленньӧыс кивыль эз кер сійӧ шуӧм серти, эз и сет сьӧмсӧ. «Югыд туй» газет корӧ сӧмын ӧтиӧс. Кооперативлы дзик вӧлӧм веськодь йӧзӧс югдӧдӧмыд, медтыкӧ барыш чукӧртны позис-а. Йӧзӧс югдӧдан уджыс эськӧ зэв колӧ Донын. Ёна на сэні долыда овсьӧ йӧз пемыдлун вӧсна поп-дяклы да бурсьылысьяслы.

Ноко, донса кооператив, мый шуан та вылӧ.