ДЕЛЕГАТКАЯСЛӦН СОБРАННЬӦЯС

Нывбаба делегаткаяслӧн собранньӧяс сетӧны зэв ыджыд буртор. Собранньӧ вылӧ ветлӧмӧн, сэні висьтавлӧм кывзӧмӧн да сёрнитӧмӧн нывбабаяс вермӧны тӧдны уна буртор, код ногӧн колӧ овны. Сідз, миян Поёл вӧлӧсьтын (Сыктыв уездын) делегаткаяс ставныс нин (30 морт) пырисны шленӧ кооперативъясӧ, мӧда-мӧд отсасян комитетӧ. Делегаткаяс вылӧ видзӧдӧмӧн пырӧны сэтчӧясӧ и мукӧд нывбабаяс. Сэсся делегаткаяс бӧрйисны ас пӧвстсьыныс делегаткаясӧс волисполкомӧ, кооперативӧ, мӧда-мӧд отсасян комитетӧ, кредитнӧй тӧвариществоӧ. Сэні нывбабаяс уджалӧмӧн велӧдчӧны общественнӧй уджӧ. Ӧти собранньӧ вылын вӧлі сёрни шабді вӧдитӧм йылысь. Делегаткаяс шуисны ньӧбны ӧтув ӧти нирасян машина. Сы вылӧ шуисны босьтны ӧти шайт да ветымын урӧн быд мортысь.

Делегатка М. Нечаева.